BUONA PASQUA A TUTTI! ECCO LU "'NCONTRU" DI MENFI

Una poesia per ricordare la magia della Pasqua nella più classica delle manifestazioni popolari: l'incontro tra Gesù e la Madonna:

Lu ‘ncontru

‘Nni sta ranni Notti di stiddi lucenti,

si rinnova l’Acqua e lu Focu splendenti,

si rinnova l’arma a la genti cristiana,

lu Sangu di la Cruci li piccati risana.

Chista Festa è fruttu di l’Amuri,

chi supranìa la morti e lu duluri,

oj ‘nta li jardina s’arrisbigghianu li ciuri

e Pasqua a l’omini arricria lu cori.

Di la Matrici sonano stese li campani

e tutti fora di li casi su nisciuti:

beddi giuvina e vecchi jimmuruti,

fimmini e masculi, nobbili e viddani.

Diciticillo: “Allivisciu lu Signuruzzu Santu”

a la Madonna tutta nivura cu lu mantu.

Bedda Matri, Matri Addulurata

di l’Angelu e lu Spiritu cunsulata.

Curri l’Arcangilu Micheli,

curri cu l’ali a li pedi,

ci avi a purtari presto la notizia,

pi livari lu luttu e mettiri letizia.

Curri ora lu Figghiu ‘ncoddu a la Matri

facennu di tuttu lu populu la felicitati.

Eccu:…lu ‘ncontru ! ! !

Volano li palummi ‘nta la chiazza,

scoppiano li fochi, la genti s’abbrazza.

Chistu è miraculu d’ogn’anno,

ricordo di ’n’antica tradizioni,

di un Patto senza ‘nganno,

di li antichi Profizie la verificazioni.

                                                                                                  Michele Barbera

In questa grande notte di stelle lucenti/si rinnova l’acqua e il fuoco splendente/ si rinnova l’anima al popolo cristiano/ il sangue della croce risana i peccati./ Questa festa è frutto dell’Amore/ che supera la morte ed il dolore/ oggi nei giardini si risvegliano i fiori/ e Pasqua rallegra i cuori degli uomini./Suonano a distesa le campane della Chiesa madre/ e tutti escono fuori dalle case/ bei giovani e vecchi curvi, / donne e uomini, nobili e contadini./ Ditelo: “E’ risorto il Santo Signore”/alla Madonna vestita con il manto nero./ Madre Bella, Madre Addolorata, consolata dall’Angelo e dallo Spirito./ Corre l’Arcangelo Michele/corre con le ali ai piedi/ deve portare presto la notizia/ per togliere il lutto e portare gioia./ Corre ora il Figlio incontro alla Madre, rendendo felici tutto il popolo./ Ecco: l’incontro!/ Volano i colombi nella piazza/ scoppiano i fuochi/ la gente si abbraccia./ Questo è miracolo di ogni anno, / ricordo di un’antica tradizione/ di un Patto senza inganno/ l’avverarsi delle antiche Profezie.